Cuezon, Mario L

1.Taga-Misamis Occidental,lungsod sa Jimenez. May panahong naasayn sa Ozamiz city pero karon naa sa Oroquieta.
----
2.
Awtoridad si Bay Mario sa magic realism. Ang iyang literary tradition sa panulat atong mahitalay niining maong matang sa kapanulatan. Nag-inusara siya niini sa atong katitikan.

Agig pasiuna, ang magic realism dugay nang tradisyon sa panulat. Mao kini ang panulat nga anaa sa taliwa sa pantasya ug reyalismo. Busa gitawag siyag magic realism--- gi-magic lang ang magbabasa.

Ang magic realism termino nga gigamit sa pagkadiskobre sa kalibotan sa Latin American Literature. Ang mga magsusulat nga nagsubay niining maong tradisyon mao sila si Gabriel Garcia Marquez (ilabi na sa iyang "One Hundred Years of Solitude" ug "Love In The Time Of Cholera", Luisa Bombal, Jorge Luis Borges (ilabina na sa iyang "The Garden of Forking Paths), Carlos Fuentes (sa iyang "The Years Of Laura Diaz", "Old Gringo" ug sa iyang "The Death of Artemio Cruz"), sa Brazilian nga si Jao Guimaraes Rossa (sa iyang "The Third Bank of the River).

Ang magic realism usa ka malisod nga disiplina. Ang kang Juan Roflo nga "Pedro Paramo" usa sab ka maayong nobela nga gisulat niini nga matang. Gitawag kini karog Latin American Boom.

Si Bay Mario, sanglit usa siya ka praktisyoner niini, maayong mahimong tinubdang mamumulong (resource speaker) aron makaalinggat ang kabatan-on tungod kay ania na kita sa bulawang edad sa atong kapanahonan.

Bay Tomas